Në Qendrën e Numërimit të Votave të Komisionit Qendror të Zgjedhjeve ka përfunduar i votave të fundit me postë.
Sipas përditësimit të fundit , Lëvizja Vetëvendosje vazhdon të kryesojë bindshëm.
Vetëvendosje ka siguruar 72.68 për qind të votave, apo 33,556 vota. Në vendin e dytë renditet Lidhja Demokratike e Kosovës (LDK) me 9.99 për qind, përkatësisht 4,611 vota.
Partia Demokratike e Kosovës (PDK) ka marrë 9.22 për qind të votave, apo 4,259 vota, ndërsa Aleanca për Ardhmërinë e Kosovës (AAK) ka siguruar 3.90 për qind, me gjithsej 1,801 vota.
Numërimi i këtyre fletëvotiimeve shënon përfundimin e procesit të numërimit të të gjitha fletëvotimeve nga zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025.
Me përmbylljen e këtij procesi, Komisioni Qendror i Zgjedhjeve (KQZ) ka thënë është i gatshëm të shpallë rezultatin përfundimtar të zgjedhjeve.
Megjithatë, sipas Ligjit për Zgjedhjet e Përgjithshme, subjektet politike kanë të drejtë të paraqesin ankesa në Panelin Zgjedhor për Ankesa dhe Parashtresa (PZAP) brenda 48 orëve nga momenti i ndodhjes së shkeljes së supozuar që lidhet me administrimin e numërimit në QNR.
Sipas rezultateve të përmbledhura, Vetëvendosje ka fituar 51.11 për qind, apo 57 mandate në Kuvend, PDK ka siguruar 20.19 për qind apo 22 mandate, pasuar nga LDK-ja me 13,23 për qind apo 15 mandate dhe AAK-ja me 5.50 përqind apo 6 mandate./Reporteri.net/
