Ministri i Shëndetësisë, Arben Vitia, në një konferencë për media ka konfirmuar edhe rastin e tretë të prekur me koronavirus.
Ai ka bërë të ditur se personi i prekur me koronavirus është një familjar i 77 vjeçarit i cili mbrëmë rezultoi pozitiv nga ky virus.
“Sot në këtë konferenc me keqardhje më duhet të ju njoftoj edhe për një të prekur me koronavirus, ku bëhet fjale për një familjar të 77 vjecarit nga fshati Stubëll i Komunës së Vitisë”, ka thënë ministri.
Ndryshe, ministri Vitia ka theksuar se ashtu siç është lajmëruar mbrëmë për dy rastet e prekura me koronavirus, Qeveria e Kosovës ka marr të gjitha masat për ta parandaluar përhapjen e këtij virusi, në mënyrë që Kosova të jetë shteti me më pak persona të prekur.
