Ora 17:00 e ditës së sotme ka shënuar zyrtarisht karantinimin e Prishtinës.

20 raste të reja me coronavirus janë konfirmuar dje në Prishtinë kanë bërë që ministria e Shëndetësisë të karantinojë kryeqytetin.

Sipas Ministrisë së Shëndetësisë, lagjet Mati 1 (Rruga Ndue Perlleshi), Tophane (rruga Lidhja e Prizrenit) dhe Veternik në Komunën e Prishtinës, janë shpallur vatra të përhapjes së infeksionit.

Hyrjet-daljet në Komunën e Prishtinës janë ndaluar, me vendim të Ministrisë së Shëndetësisë.

Që nga 13 marsi kur ishin paraqitur të infektuarit e parë deri me tani, numri i të prekurve nga COVID-19 ka shkuar në 283.

Po ashtu shtatë persona kanë vdekur.

Ndërkaq 52 pacientë janë shëruar tërësisht nga virusi.