Modelja Arbenita Ismajli është një ndër emrat më të lakuar në media që prej bërjes publike të lidhjes së saj me reperin Fero.

Ajo mori shumë shpejt famë pasi u bë publike lidhja e saj me reperin e njohur, Fero. Është fjala për modelen Arbenita Ismajli, e cila u kthye menjëherë në një nga vajzat më të komentuara të showbiz-it shqiptar.

Lidhja e tyre e dashurisë ka ardhur për fansat me disa ndarje e ribashkime, por së fundmi duket se gjërat mes tyre nuk janë aspak mirë.

Prej disa kohësh, modelja bukuroshe dhe reperi nuk e ndjekin më njëri-tjetrin në “Instagram”. Madje Fero e ka çaktivizuar llogarinë e tij pa lajmëruar më parë fansat që janë bërë merak për të.

Ndërsa nga ana tjetër, Arbenita nuk i kursen thumbat në rrjetet sociale të cilat nëse nuk i ka me reperin, nuk dimë me kë i ka tjetër.

Pak orë më parë, ajo ka plasur “bombën” me foton e fundit që ka publikuar, duke lënë të kuptohet se personat pranë saj e kanë përdorur. “Disa njerëz do të të “duan” për aq kohë sa mund të të përdorin. Besnikëria e tyre përfundon kur përfundojnë edhe benefitet.”- janë fjalët që i bënë fansat shumë kuriozë.