Fifi gjithmonë nëpër intervista e ka thënë hapur se pos familjes askush nuk e ka ndihmuar në rrugëtimin e saj në muzikë.

Këngëtarja e cila ka vite që është shpërngulur në Shqipëri për të jetuar në intervista të ndryshme e ka pranuar se në Kosovë madje i thanë që të dobësohej nëse dëshironte të bëhej e zonja dhe e famshme, shkruan Reporteri.net.

Ndërsa së fundmi ajo ka pranuar pyetje të ndryshme në llogarinë e saj në Instagram, e që njëra ndër to lidhet me pagesën e saj në koncerte.

Fifi ka treguar se puna e parë që ka bërë ka qenë pikërisht performimi në kafiteri të Prishtinës e që paga që ka marrë ka qenë vetëm 10 euro.

“16 vjeçe dhe kam kënduar te Kafet e Vogla në Prishtinë. Herë me kitarë, herë me tastierë dhe më e bukura është që ka pasur raste kur kam marrë 10 euro për performancë e më së shumti 35 euro në atë kohë. Dhe ndjehesha njeriu më me fat në botë se po e fitoja me djersë”, ka qenë përgjigja e Fifit.

/Reporteri.net/