Seriali shumë i pëlqyer nga publiku kosovar “Kafeneja Jonë” do të rikthehet sërish në ekranet televizive.

Ky lajm gjatë ditës së djeshme u bë i ditur nga një nga aktorët i cili ishte pjesë e këtij seriali qysh në episodat e para. Donat Qosja postoi në llogarinë e tij në Instagram një foto ku edhe mori shumë urime nga fansat e këtij seriali. Mirëpo, pyetja më e shpeshtë ishte se në cilin televizion do të shfaqet seriali “Kafeneja Jonë”.

Gjatë ditës së sotme u mor vesh se seriali “Kafeneja Jonë” do ta bëjë rikthimin në televizionin T7, shkruan Reporteri.net.

Marrëveshja është arritur në mes të kompanisë Vala dhe regjisorit të serialit Shkumbin Istrefi. Ky lajm është konfirmuar gjatë ditës edhe nga Vala, por edhe nga drejtori i televizionit T7, Berat Buzhala.

Ndryshe seriali “Kafeneja Jonë” viteve të fundit ishte rikthyer dhe pastaj ndaluar disa herë, për shkak, siç kanë deklaruar aktorët mungesës së mjeteve financiare për realizimin e tij./Reporteri.net

https://www.facebook.com/photo.php?fbid=10156026916871479&set=a.10150311226486479&type=3