Rita Ora po vazhdon kampanjën e saj në bashkëpunim me UNICEF dhe SoccerAid.
Ajo sot ka vizituar disa lagje të komuniteteve pakicë që janë në Kosovë dhe qendrat e strehimit të fëmijëve, shkruan Reporteri.net
Rita ka shfrytëzuar llogarinë e saj në Instagram për të treguar për përvojat e saj të këtyre dy ditëve në Kosovë.
“Duke kaluar kohën në Kosovë me UNICEF-in dhe SoccerAid ka qenë kaq e dobishme. Duke parë se si programet e UNICEF-it ndikojnë pozitivisht në shëndetin dhe zhvillimin e fëmijëve të vegjël, na bën te kuptojmë se sa e rëndësishme është për të gjithë ne që të vazhdojmë t’i mbështesim ata. Unë mezi po pres t’iu tregoj më shumë për punën që kam parë, kë e kam takuar dhe përse jam kaq krenare që jam e përfshirë në SoccerAid për UNICEF-in këtë vit”, ka shkruar Rita në llogarinë e saj zyrtare në Instagram.
Kujtojmë që Rita po viziton Kosovën në një mision humanitar në bashkëpunim me UNICEF-in dhe me kompaninë Escada, ku për çdo shitje të një çante të kësaj firme, shuma e mbledhur do t’i dedikohet grave të dhunuara nga lufta dhe fëmijëve të varfër./Reporteri.net/