Reperi Kreshnik fazliu, i njohur me emrin artistik MC Kresha, ka kurorëzuar sonte (e diel) lidhjen e tij me martesë.
Ai dhe Erzina Shehu i kanë dhënë fund beqarisë në një dasmë shumë private me pak të ftuar, të organizuar në “Hotel Garden” në Prishtinë.
Në rrjetet sociale ndërkohë kanë qarkulluar fotografi dhe video të shumta nga dasma e çiftit të ri – ku nuk kanë munguar edhe shumë prej fytyrave publike.
Në një video të hedhur në Instagram është publikuar edhe momenti kur dyshja shkëmbyen unazat me njëri-tjetrit, pas betimit se do të jenë gjithmonë në krahët e njëri-tjetrit.
Celebrimin e tyre e bëri i pari i Prishtinës, kryetari Shpend Ahmeti, shkruan Telegrafi.
Ndërkohë, në një tjetër video është shfaqur edhe momenti kur MC Kresha dhe Erzina shkëmbyen puthjen e tyre të parë si çift.
Të rrethuar nga njerëzit më të dashur, të pranishmit krijuan ovacione të shumta kur dyshja e sapomartuar shkëmbyen puthjen e zjarrtë mes vete.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
