Këngëtari Arif Vladi ka folur edhe një herë për këngën “Marshi i UÇK-së. Ai ka treguar se si erdhi deri te realizimi i kësaj kënge.

“Marshi i UÇK-së u bë në malet e Gjakovës dhe Drenicës. As në Tiranë dhe as në Prishtinë”, tha Vladi.

“Marshi i UÇK-së përfundoi në atë që është sot, është vetë kolona zanore e Republikës së Kosovës”, tha ai në emisionin “Natën me Fatmir Spahiun” në RTK.

Por a mori ai para për këtë këngë?

“E ku do merreshin, kush do t’i jepte?”, thotë ai.

Ai thotë se akuzat e tilla për pagesë të cilat u bënë nga këngëtarja Adelina Ismaili, u bënë për të fituar vëmendje nga ana e saj.

“Gjithë njerëzit që humbin audiencën dhe s’kanë çka të bëjnë më me artin me të cilin janë përfaqësuar mundohet të merren me emra eminentë që të kthejnë vëmendjen te publiku”, tha Vladi.