Banorët e reality show të quajtur “It’s my home” që ka nisur tash e disa ditë në Televizionin “First Channel”, transmetim ky që u ndalua, përveç dhunës mes vete, një prej tyre e ka vazhduar edhe ndaj zyrtarëve policorë.

Një incident i tillë ndodhi mbrëmë pas mesnate.

Bëhet fjalë për banoren Teuta Llumnica e cila ditë më parë ishte viktimë e një prej banorëve pasi u gjuajt me papuqe.

Policia e Kosovës e ka konfirmuar për Reporteri.net.

“Sot rreth orës 00:25, në stacionin policor jugu është iniciuar një rast Sulm ndaj personit zyrtar. Lidhur me këtë rast është arrestuar e dyshuara femër T.L, e cila pas intervistimit me vendim të prokurorit është dërguar në mbajtje”, thotë policia për Reporteri.net.

Banorja në fjalë mbrëmë pati përleshje me banorë, çka u përjashtua nga shtëpia, çka siç duket ka shkaktuar nervozizëm tek ajo, dhe ka bërë të nevojshme ndërhyrjen e policisë. /Reporteri.net/.