Bebe Rexha nuk ka rrezikuar gjatë spektaklit të parafundit të turneut të saj në ShBA.

Këngëtarja e hitit “I’m Good (Blue)”, e cila u plagos kur një fans i hodhi celularin në fytyrë muajin e kaluar, mbajti një palë syze mbrojtëse, të cilat e bënë të dukej si një superheroinë kur doli në skenë në Los Angeles të premten mbrëma.

Artistja e hitit “In The Name Of Love” përfundoi me një sy të nxirë nga incidenti në New York, duke shpërndarë një fotografi në rrjetet sociale pas kësaj, duke i siguruar fansat e saj se ishte mirë, shkruan DailyMail.

Gjuajtësi i supozuar i telefonit përballet me akuza për kundërvajtje për ngacmim dhe sulm.

Ndërsa perdja u ngrit, Bebe Rexha doli në qendër të vëmendjes e veshur me një pelerinë verbuese ngjyrë blu dhe të zezë.

Një roje sigurie u paa shumë pranë saj, për të qenë aty në rast se dikush do të dilte nga rreshti.

Interpretuesja e hitit “Me, Myself and I” mori mikrofonin në Teatrin Wiltern, duke i thënë turmës se kishte dy rregulla për mbrëmjen, sipas të pranishmëve: “Mos i hidhni telefonat dhe argëtohuni”.

Bebe Rexha qëllohet me telefon në fytyrë gjatë koncertit