A e keni menduar ndonjëherë se si do të ishte të dëgjoni këngëtarin tuaj të preferuar të këndojë një këngë krejtësisht të re?
Falë përparimeve në teknologjinë e Inteligjencës Artificiale, sfera e imitimit të zërit ka shkuar me një hap të jashtëzakonshëm përpara.
Sot ka programe të AI-s që mund të replikojnë zërat e këngëtarëve të famshëm, duke na lejuar neve të dëgjojmë idhujt tanë të këndojnë këngë tërësisht të reja madje atë edhe në gjuhën shqipe.
Kështu së paku kemi dëgjuar në dy video të cilat po shpërthejnë në rrjetet sociale ku në formë shakaje njerëzit kanë replikuar zërin e Rihanna-s për të kënduar hitet shqiptare.
Këngët që supozohet se janë krijuar me Inteligjencë Artificiale me zërin e Rihanna-s ishin dy hitet e Shpat Kasapit, ajo “Valle Kosovare” dhe “Kush të ndau prej meje”.
Videot janë shpërndarë kryesisht në Instagram. /Telegrafi
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
