Aderimi i parukierit Kaci Lleshi në Aleancën për Ardhmërinë e Kosovës pak kohë më parë, bëri shumë bujë në media.

Megjithatë, ai për Telegrafin tregoi se kishte qenë pjesë e kësaj partie që në themelimin e saj.

Ndërkohë, ai duket se ka krijuar tashmë një afrimitet më të madh me anëtaret që janë pjesë e kësaj partie.

I njëjti së fundmi ka publikuar në InstaStory një fotografi me një ndër klientet e tij të para nga kjo parti, e cila është ish-ministrja, Albena Reshitaj.

Në imazhin e ndarë me ndjekësit e tij, Kaci shihet me bashkë-partiaken e tij, që tashmë është kandidate edhe për deputete teksa bën simbolin e shqiponjës me duar.

Duke qenë ndër parukierët më me zë në vend, Kaci duket se tash e tutje do të jetë zgjedhja e parë e anëtarëve femra të këtij subjekti politik, për dukjen e tyre.