Javën e kaluar, këngëtari Robert Berisha njoftoi fansat përmes një postimi në rrjetin social Instagram, se është ndarë nga bashkëshortja e tij prej vitesh, këngëtarja Nora Istrefi.

I njëjti postim më pas u fshi, dhe tashmë ka mbetur në pikëpyetje marrëdhënia mes çiftit.

Ndërkohë, Roberti i cili është shumë i angazhuar me koncerte, gjatë njoftimit për ndarje, kishte treguar se gjithçka ka qenë paqësore mes çiftit, transmeton Telegrafi.

Por nëse kthehemi në “Retrospektivë”, të një interviste që Roberti ka dhënë për Roza Latin, në “Why Not”, më 17 shkurt të vitit 2018, ai aso kohe kishte thënë një deklaratë goxha të fuqishme.

I pyetur nëse kishte në plan të ndahej, këngëtari ishte përgjigjur duke thënë se: “Vetëm vdekja më ndan nga Nora Istrefin”.

Mirëpo pavarësisht kësaj, ai mund ta ketë pasur fjalën në kuptimin që asnjëherë nuk do të jetë larg nga Nora, në interesit të përbashkët të tyre që është rritja e Renesë, dhe këtë do ta bëjnë me dakordësi së bashku, pa marrë parasysh marrëdhënieve mes tyre.