Fushata në mbrojtje të Ushtrisë Çlirimtare të Kosovës ka arritur deri në studion e njërit prej emisioneve më të ndjekur “Për’puthen”.

Konkurrenti nga Kosova, Atdhe Xharavina është paraqitur në studio me blusën me mbishkrimin “Liria ka emër”, shkruan Reporteri.net.

Kësaj fushate tashmë i janë bashkuar emra të njohur të artit dhe kulturës.

Atdhe Xharavina, 27 vjeçari nga Kosova hyri në program duke trazuar ujërat me të shkelur në studio.

Modeli nga Gjakova, i cili për vite ka punuar jashtë vendit në Evropë fitoi vëmendjen e vajzave, të publikut por deri diku edhe të djemve të cilët nuk është se e mirëpritën prurjen e re.

I pashëm, i artikuluar, Atdheu ishte fiks çfarë i duhej programit.