Luiz Ejlli dhe Kiara Tito kurorëzuan dashurinë e tyre në natën finale të Big Brother Vip Albania 2.

Në natën e martesës çka i ra ë sy të gjithëve ishte mungesa e familjarëve të Luizit.

Së fundmi, këngëtari shkodran në një intervistë të shkurtër të dhënë në pas-ndejën e BBVA të dielën, zbuloi se çfarë kishte bërë pas dasmës.

“Kam ikur tinza në Shkodër, shkova sepse kam pasur nënë paqejf”, deklaroi këngëtari shkodran, duke treguar kështu se nëna e tij ka qenë e sëmurë gjatë këtyre ditëve.

Mesa duket kjo ka qenë edhe arsyeja se pse ajo nuk ishte prezente atë natë në dasmën e cila u mbajt në natën finale, ku Luizi dhe Kiara u kurorëzuan në Bashkinë e Tiranës nga kryetari Erion Veliaj, në një ceremoni të transmetuar direkt në televizion.

Luizi është fitues i garës së madhe e cila kishte shpërblimin prej 100 mijë eurosh, gjersa me nga 10 mijë u shpërblyen edhe tre finalistët e tjerë: Kristi Aliaj (Dragot), Deamishel Hoxha dhe Efi Dhedhes.