Reperi i njohur Mozzik, është shumë aktiv dhe i ndjekur në rrjetet sociale.

Ai shpesh ndan me ndjekësit imazhe të ndryshme nga jeta e përditshme, gjersa nuk mungojnë edhe fotografitë familjare.

Së fundmi, reperi ferizajas ka publikuar në rrjetin social Instagram një fotografi me vajzën e tij, Hanën, e cila sot (e premte) feston ditëlindjen e saj të dytë.

Në mbishkrimin e fotografisë, Mozzik i ka bërë një dedikim të sinqertë vajzës së tij të dashur, duke kujtuar momentin kur ajo erdhi në jetë.

“Urime datëlindja vajza ime e vogël Hana ! Para dy vite isha tek dhoma e lindjes tënde , kur linde thash me vete mos po e shoh vetën të vogël . Zoti të dhashtë shëndet dashuri ! Ti je krenaria ime , ti je suksesi im , ti je gjithçka për mua në këtë jetë . Në rritjen e fëmijëve e sheh njeriu se sa shpejt ikën koha . Të don Baba yt. Urime datëlindjen e dytë”, kanë qenë fjalët e reperit në Instagram.

 

View this post on Instagram

 

A post shared by MOZZIK (@mozzik)

 Mozzik përndryshe flitet se është bashkuar me nënën e Hanës, reperen Loredana, me të cilën për një vit thuajse i kishin raportet e ftohura mes vete.

Reperi ndërkohë ka pranuar shumë urime për ditëlindjen e vajzës së tij në hapësirën për komente.