Ai viteve të fundit ka qenë një nga emrat më të lakuar në faqet rozë si për jetën profesionale e po ashtu edhe për atë private.

Fjala është për reperin Mozzik, i cili tash e një kohë flitet për ndarjen nga partnerja e tij, artistja Loredana Zefi.

Të njëjtit ndonëse janë ndarë prej vitesh, akoma janë pjesë e shtypit thuajse për çdo veprim të tyre.

Sidoqoftë, së fundmi artisti nga Ferizaj ka dhënë një intervistë për KosovaPress ku tregon se si ka reaguar Loredana kur e dëgjoi këngën që ia kushtoi të bijës, “Hana”.

I njëjti thekson se kënga u punua kur vajza e tij ishte vetëm dymuajshe.

“Për këngë, kënga është punuar kur ajo ka qenë pjesë e jetës time, edhe pse është ende se është nëna e vajzës time, këngën e kam punuar kur kam qenë bashkë me të në studio, e kemi punuar bashkë, madje ajo e do shumë këtë këngë”, thekson 24 vjeçari.

Ndërkaq, projekti kushtuar të bijës është pjesë e albumit të ri të Mozzik të titulluar “Mozzart”.

“Hana” u lansua më 31 korrik dhe numëron mbi pesë milionë klikime në YouTube.