Këngëtarja e njohur shqiptare, Rozana Radi ka zbuluar në rrjete sociale se ajo është pozitive me Covid-19.

Ajo i mban të informuar fansat për të rejat rreth saj përmes imazheve që sjell kohë pas kohe në rrjete sociale.

Së fundi Rozana hyri në Instagram për të bërë të ditur se ka rezultuar pozitive për Covid-19, por që gjendja e saj është stabile.

“Pas një rezultati Negativ ripërsërita tamponin dhe…. POZITIV . Jam karantinuar dhe po marr mjekimin e nevojshëm duke u konsultuar me mjekun e familjes. Për momentin jam në gjendje të qëndrueshme shpresojmë të shkoj gjithçka mirë!”, tha ajo krahas fotografisë së publikuar.