Vjollca Sadiku është një grua që ka dashuruar 13 herë dhe ka 3 martesa të dështuara.  Ajo ishte e ftuar në studion e emisionit “Shqipëria Live” për të rrëfyer se si dështimet dhe eksperiencat e shumta u bënë burim frymëzimi për të zbuluar të vërtetën.

Sadiku është shkrimtare me origjinë nga Puka e cila prej vitesh jeton në Angli. Ajo ka shkruar 7 libra frymëzues, dhe sipas saj, individi duhet të jetoj në paqe me veten e tij dhe vetëdashja është çelësi i një jete të lumtur .

Sipas saj lidhjet kanë qenë burim frymëzimi për të zbuluar vetveten. Sot ajo do na flas për eksperiencat e saj dhe teknikat që e bëjnë atë të jetë gjatë të gjithë kohës e lumtur me zgjedhjet dhe dështimet e saj.

Ajo u shpreh se pavarësisht se ende nuk e ka gjetur njeriun e zemrës, është e lumtur. “Unë e kam gjetur lumturinë në vetvete, nuk e lidh lumturinë me dashurinë”, shtoi Vjollca.

Sadiku më pas tregoi se si tre ish-bashkëshortë e lanë atë, dhe zbuloi arsyen se pse po flet publikisht për historinë e saj.

“Martesa e parë ishte si me marrëveshje, doja të ikja jashtë. Por ai më la dhe iku. Martesa e dytë ishte, në takimin e parë e lashë të fliste dhe në fund i thashë nuk është si thua ti, por si them unë. Unë i dhashë test dy vite për të ndryshuar, por ai iku. Ai ndryshoi dhe në fund më la, unë nuk e lashë. E treta: Të dy ramë dakord që të lidhnim jetën bashkë. Por iku. Kam qenë e martuar dy herë me letra dhe e treta nuk kemi patur celebrim. Unë mësova nga çdo lidhje. Kisha punë të kthehesha te vetvetja. Kam dashuruar gjithmonë, ne rritemi dhe ne dashurojmë”, tha Vjollca.

Kjo e fundit shtoi se po e bën publike historinë e saj personale që t’u tregojë njerëzve se çfarë është lumturia.

“Dua t’i mësoj njerëzit se si të jenë të lumtur”, tha Vjollca, e cila ka shkruar 7 libra që janë ndihmues për të dashur veten.