Distanca e përkohshme nga projektet e reja muzikore, për Altuna Sejdiun nuk ka ndikuar që ajo të jetë larg vëmendjes së publikut, përkundrazi. Por tashmë, vëmendjen do ta ketë jo me një projekt të ri muzikor, por në një karrige si opinioniste.

Artistja nga Maqedonia, mund të jetë njëra prej opinionisteve të formatit të ri që pritet të nisë së shpejti, Big Brother Kosova.

Mbetet edhe pak kohë derisa të nisë transmetimi i BBV Kosova, por deri në fund të tetorit, me siguri, do të zyrtarizohen edhe emra të tjerë, përfshirë edhe ato të opinionistëve.

Ende nuk ka asgjë zyrtare deri tani nga produksioni, as konfirmim nga Altuna, ndaj mbetet të presim deri në fillimin e BBV Kosova.