×
  • Show Time
  • Show Time

    Zanetti e mohon se Interi është në bisedime me Barcelonën për Lautaron

    Reporteri
    08 Shtator 2020 | 9:02

    Zëvendëspresidenti i Interit, Javier Zanetti, ka këmbëngulur se klubi nuk është në bisedime me Barcelonën për ta shitur Lautaro Martinezin këtë verë.


    Sulmuesi argjentinas i zikaltërve është synim i Barçës së Ronald Koeman dhe së fundmi, mediat spanjolle raportuan se gjiganti katalonas i ka rinisur bisedimet për blerjen e tij.

    Kjo është hedhur poshtë nga Zanetti, megjithatë, i cili ka thënë për TyC Sports, se Lautaro për më tepër dëshiron të qëndrojë në Itali.

    “Në rastin e tij, si lojtar i ri me kaq shumë potencial, është normale që klubet e tjera e kërkojnë”, tha Zanetti.

    “Por ajo që e kuptoj unë çdo ditë është se Lautaro dëshiron të qëndrojë në Itali. Për momentin, nuk ka bisedime mes Interit dhe Barcelonës”, nënvizoi ai.

    “Ne jemi të lumtur me të dhe e di se edhe ai është i lumtur këtu”, shtoi Zanetti.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!