Kanë ardhur përmes Aeroportit të Rinasit në Shqipëri plotë 40 mijë e 800 doza të vaksinës AstraZeneca, nëpërmjet instrumentit Covax.
Në aeroport i ka pritur Ministrja e Shëndetësisë së Shqipërisë, Ogerta Manastirliu, ndërkohë kryeministri Rama përmes një postimi në Facebook tha se priten edhe mbi 250,000 vaksina në ditët në vijim.
“Aeroporti “Nënë Tereza” – Mbërrijnë 40 800 doza të vaksinës AstraZeneca, nëpërmjet instrumentit Covax, teksa presim mbi 250,000 vaksina në ditët në vijim, për të mos u ndalur ritmin e lartë të vaksinimit, derisa çdo qytetar të mbrohet nga virusi i rrezikshëm”, tha ai.