Familjarët e raportojnë të zhdukur, dyshohet se 45 vjeçari është mbytur në liqenin e Farkës

Një person dyshohet se ka mbetur i mbytur në liqenin e Farkës.


Policia njofton se nga deklarimet e para nga familjarët, dyshohet ka mbetur i mbytur 45-vjeçari B. H.

Polumbarët janë njoftuar për të nisur kërkimet e trupit të 45-vjeçarit ndërsa grupi hetimor, ndodhet në vendngjarje dhe po punon për zbardhjen e plotë të ngjarjes së rëndë.

Njoftimi i plotë i Policisë:

Tiranë/Informacion paraprak

Në Liqenin e Farkës, nga deklarimet e para të marra nga familjarët dyshohet se është mbytur në liqen shtetasi B. H., rreth 45 vjeç.

Është bërë njoftimi i polumbarëve për kërkimin e trupit të 45-vjeçarit.

Grupi hetimor ndodhet në vendngjarje dhe po punon për përcaktimin e rrethanave të ngjarjes.