I vihet flaka makinës së kryetarit të PS në Elbasan

Është djegur gjatë natës makina e kryetarit të Partisë Socialiste në Elbasan. Nga hetimet paraprake dyshohet se zjarri ka qenë i qëllimshëm.


Ngjarja ka ndodhur gjatë natës në lagjen ‘5 Maji’. Automjeti i tij tip Hondai me targë AA 574 TH ishte i parkuar në rrugë pranë banesës.

Vetë Budani është shprehur se nuk ka konflikte me njeri ndërkohë që grupi hetimor po punon për zbardhjen e plotë të ngjarjes, idetifikimin dhe kapjen e autorëve.

Xhevahir Budani mban prej pak muajsh postin e drejtorit të Shëndetit Publik Rajonal.