Bashkëshortja dhe vëllai i Admir Muratajt kanë qenë ata të cilët kanë bërë identifikimin e trupit të pajetë në morgun e Tiranës.

Albana Murataj ka konfirmuar se trupi i përkiste bashkëshortit të saj. Jashtë morgut familjarët e trurit të grabitjeve në pistën e Rinasit janë parë në lot, teksa presin të marrin trupin për të kryer ceremoninë mortore.

Në ambientet e morgut kanë qenë dhe familjarë të tjetër të Admirit, të cilët janë afruar duke qarë dhe duke ngushëlluar gruan e tij. Vëllai i Admir Muratajt ka thënë se e ka mësuar lajmin përmes mediave, ndërsa ishte kthyer nga Kosova për të mësuar më shumë për të që kishte ndodhur.