×
  • Lajme
  • Shqipëria

    Kapet hajduti i portofolave në urbanin e “Tiranës së Re”

    Reporteri
    30 Tetor 2019 | 14:18
    Qytetare te kryeqytetit, duke udhetuar me autobuzin urban te linjes se Tiranes se Re. Prej disa ditesh shoqata e Transportit Urban Kryeqytetas ka kerkua rritje te cmimit te biletes deri ne 70 lek./r/n/r/nCitizens of the capital, traveling with urban bus. For several days the capital Urban Transport Association has requested the ticket price increase up to 70 lek.

    Policia e Tiranës ka vënë në pranga një hajdut, i cili vidhte portofola në urbanet e qytetit, ndërsa një tjetër është shpallur në kërkim.


    Në kuadër të operacionit të koduar “Stacioni i fundit” u dokumentuan me prova ligjore 5 raste të vjedhjes së portofolave.

    “Shërbimet e Komisariatit të Policisë Nr.3, nisur nga shqetësimet dhe kallëzimet e bëra nga qytetarët për vjedhjet e portofolave në autobusët e linjës urbane të “Tiranës së Re”, në drejtimin e Prokurorisë së Rrethit Gjyqësor Tiranë, organizuan operacionin policor të koduar “Stacioni i fundit” në kuadër të të cilit u bë arrestimi i shtetasit M. Xh., 42 vjeç, si dhe u shpall në kërkim V. J., 65 vjeç, të dy banues në Tiranë dhe të dënuar më parë për vjedhje”, tha policia.

    5 raste të dokumentuara

    – Vjedhjes të portofolit të shtetasit S. J., të ndodhur më datë 28.10.2019;

    – Vjedhjes të portofolit të shtetases B. D., të ndodhur më datë 28.10.2019;

    – Vjedhjes të portofolit të shtetases D. S., të ndodhur më datë 05.03.2019;

    – Vjedhjes të portofolit të shtetases M. K., të ndodhur më datë 24.03.2019;

    – Vjedhjes të portofolit të shtetases Xh. L., të ndodhur më datë 02.05.2019.

    Materialet procedurale i kaluan për veprime të mëtejshme Prokurorisë së Rrethit Gjyqësor Tiranë për veprën penale “Vjedhje e kryer në bashkëpunim”.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!