Lehtësimi i masave anti-Covid, nxënësit e arsimit parauniversitar nga sot mësim në shkolla

Kjo e martë shënon rikthimin e të gjithë nxënësve të arsimit parauniversitar nga klasa 1-12, në mjediset fizike të shkollave duke ruajtur dhe respektuar rregullat e higjienës dhe distancimit fizik sikurse janë përcaktuar qartë nga MSHMS.


Ministrja Kushi ka bërë me dije se ashtu si në fillim të këtij viti shkollor, do të lihet në fleksibilitetin e shkollave për të hartuar specifikisht grafikun mbi zhvillimin e procesit mësimor sipas skenarit të parë: qoftë ai me një, dy apo me shumë turne, në varësi të numrit të nxënësve apo kushteve të shkollës.

Kushi ka nënvizuar se sfida më e madhe janë provimet e Maturës Shtetërore dhe mbyllja me sukses e këtij viti shkollor.

Vendimi për rikthimin e nxënësve në shkolla u mor nga Komiteti Teknik i Ekspertëve.