Huanito Martini ka zgjedhur një mënyrë të veçantë për të protestuar për pronën e tij.

Ai pretendon se prona është grabitur, pavarësisht se disponon gjithë dokumentacionin.

“Po i vjedhin njerëz të ardhur prej zonave të thella të Mirditës, Pukës, sjellin edhe njerëz të tjerë.

I kam bërë thirrje Pjerin Ndreut të zbatojë ligjin se vjedhin pronat e mia, i shesin 4 milion dhe blenë vetura cubat e pronave. Ata duhet t’i kapin dhe t’i kërkojnë llogari, jo t’i lirojë Prokuroria. Duhet të vinte një i IKMT-së, një autoritet,” thotë Martini.

Ai është lidhur në një tub para bashkisë Lezhë dhe kërkon takim me autoritete.

Ndërkaq, forcat e policisë kanë ndërhyrë dhe e kanë larguar protestuesin.