Ngjarje e rëndë: Përplaset për vdekje këmbësori

Pas aksidenteve me të plagosur në Rrogozhinë, Elbasan dhe Vlorës, pak minuta më parë është regjistruar i radhës në qytetin e Pogradecit.


Një qytetar ka humbur jetën në aksin Pogradec-Korçë, pranë fshatit Buçimas, teksa është përplasur nga një automjet.

Viktima, sipas asaj që raporton gazetarja e Ora News Iris Rezhda, është shtetasi i identifikuar si Pajtim Gjyli.

Ai ka qenë duke lëvizur në këmbë në momentin e aksidentit, ndërsa drejtuesi i makinës nuk është ndalur duke u larguar nga vendngjarja.

Policia ka mbërritur menjëherë në vendngjarje dhe po punon për zbardhjen e plotë të rrethanave të aksidentit dhe identifikimin e drejtuesit të mjetit.