Nxënësi sulmon bashkëmoshatarët në shkollë me bombol zjarrfikëseje

Shtatë nxënës të shkollës së mesme të përgjithshme, “Vasil Kamami” në Elbasan kanë mbetur të lënduar ditën e sotme, pasi janë sulmuar nga një bashkëmoshatari i tyre me bombol zjarrfikëse.


Nxënësi, i identitetit i të cilit nuk bëhet i ditur, ka marrë bombolën e gazit dhe ka sulmuar të gjithë nxënësit e shkollës së tij.

Mësohet se shtatë prej nxënësve kanë shfaqur probleme me frymëmarrjen si pasojë e kimikateve që ka shkaktuar shkuma që përmban bombola.

Në ambjentet e shkollës kanë mbërritur 4 ambulanca, që kanë bërë të mundur transportin e tyre në spital.

I kontaktuar nga Report Tv, drejtori i Arsimit në Elbasan, Alqi Çabiri është shprehur se nxënësi që ka shkaktuar këtë ngjarje do të përjashtohet nga shkolla, e ndërsa policia ka nisur hetimet për të zbardhur motivet që kanë çuar të riun që të bëjë këtë veprim.