×
  • Lajme
  • Shqipëria

    Përjashtoi Berishën nga grupi parlamentar, Basha: Vendimi më i vështirë për mua

    Reporteri
    09 Shtator 2021 | 20:37

    Kryedemokrati Lulzim Basha ka deklaruar se vendimi për përjashtimin e Berishës, ka qenë vendimi më i vështirë për të.


    Basha shtoi se pavarësisht përjashtimit nga grupi parlamentar, arritjet e Berishës nuk mund të mohoen kurrësesi.

    “Kjo do të shmangë keqpërdorimin e çështjes nga kushdo për të dëmtuar interesat e PD për të mbrojtur keqqeverisjen e Edi Ramës. Rrugëtimi i Berishës në politikë nuk ndahet dot nga mbrojtja e interesit publik. Këtë e ka të qartë kushdo.

    Ky vendim i sotëm nuk cenon kontributin dhe arritjet e Berishës si kryetar i PD dhe kryeministër e president. Ky vendim i sotëm aspak i lehtë për mua në aspektin politik dhe atë njerëzor ka si urdhërfyes interesin e demokratëve dhe atë të partisë demokratike.

    Ju më keni besuar drejtimin e PD për të marrë edhe vendime që lëkundin emocionet tona mirëpo secili prej nesh ka detyrimin të luftojë për interesat e qytetarëve shqiptarë. Në këtë mënyrë luftojmë besimin e marrë ndër vite nga demokratët si e vetmja alternativë qeverisëse që do bëjë Shqipërinë si e gjithë Europa”, tha Basha.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!