Përplasen dy makina në aksin Elbasan-Peqin, 3 persona në gjendje të rëndë

Një aksident mes dy makinash ka ndodhur para pak minutash në aksin Elbasan-Peqin, ku janë lënduar 5 persona dhe janë në gjendje të rëndë 3 prej tyre.


Sipas Report tv, ata janë transportuar drejt spitalit të Elbasanit me urgjencë.

Njëra nga makinat është kthyer përmbys kurse tjetra është dëmtuar në pjesën e majtë të saj në aksidentin e ndodhur në fshatin Përparim.

Shkak mendohet të ketë qenë një parakalim i gabuar, por policia ndodhet në vendngjarje për të mësuar më shumë për detajet e shkaqet.

Akoma nuk dihen shkaqet dhe identiteti i personave të lënduar. Për shkak të aksidentit është shkaktuar radhë e gjatë makinash.