Policia në Tiranë, Durrës e në qytetet e tjera që janë në ‘shtet-rrethim’ ka ndaluar 50 persona të cilët nuk i janë bindur urdhrit për të mos lëvizur me makina të tyre.
Sipas informacioneve mësohet se deri tani numri i të ndaluarve është 50, pasi janë kapur në rrugë me makinat e tyre personale dhe pa autorizim. Burime për Dosja.al, bëjnë me dije se më shumë persona e kanë thyer urdhrin në Tiranë e Durrës, por të ndaluar ka dhe në Lezhë.
Qeveria mori vendimin për të ndaluar të gjithë transportin qytetas dhe ndërqytetas si dhe automjetet private, si masa ekstreme për të parandaluar përhapjen e coronavirusit COVID-19.