Shkarkimi nga Kuvendi, fati i Ilir Metës në “duart” e Kushtetueses

Ilir Meta ka hyrë sot në histori si Presidenti i parë i shkarkuar nga Kuvendi i Shqipërisë.


Votimi i fshehtë u zhvillua në sallën e seancave plenare. Rezultati i votimit u bë publik nga deputeti Alket Hyseni.

Pas numërimit të votave të 114 ligjvënësve të pranishëm, rezultoi se Ilir Meta shkarkohet nga pozicioni i tij si President me:

104 vota PRO
7 vota KUNDËR
3 vota ABSTENIM

Gjatë votimit të sotëm munguan 7 deputetë nga 122 që ka në përbërjen e tij Kuvendi.

Tashmë, vendimi i Kuvendit duhet të shkojë për shqyrtim edhe në Gjykatën Kushtetuese, ku kërkohen minimalisht 5 vota që ai të miratohet dhe që përfundimisht Ilir Meta të largohet nga detyra e kreut të shtetit.