Shoferi i jep para policit për t’i shpëtuar gjobës, por e pëson keq

Gjatë kontrolleve në 24 orët e fundit janë pezulluar gjithsej 38 leje drejtimi, nga të cilat 25 për drejtim mjeti me shpejtësi tej normave të lejuara dhe 13 për drejtim mjeti nën efektin e alkoolit apo në gjendje të dehur.


Kontrollet e policisë kanë çuar në pranga 10 drejtues mjetesh. Përgjatë kontrolleve parandaluese të alternuara, me qëllim konstatimin dhe verifikimin e shkeljeve që janë burim për aksidentet rrugore, nga efektivët e Policisë Rrugore Shkodër është goditur një tjetër rast i mitëdhënies. Shtetasi A. A., 38 vjeç, banues në Shkodër, duke drejtuar mjetin “Audi”, me xhama të riveshur, i ka ofruar punonjësit të Policisë Rrugore, shumën 1500 lekë, për të shmangur masën administrative.

Po ashtu, telefonata e një qytetari ka parandaluar një ngjare të mundshme rrugore me pasoja për jetën në rrugën Velipojë-Shkodër, ku një automjet tip “Ford” kryente parakalime të rrezikshme. Pas testimit për alkool, drejtuesi i mjetit, shtetasi A. H. rezultoi në gjendje të dehur, në masën 1.62 mg/l dhe u arrestua.

Nga ana tjetër, janë ndëshkuar me gjobë 1707 drejtues mjetesh.