Ditën e sotme Shqipëria fillon vaksinimin kundër COVID-19 të operatoreve turistikë.

Kryeministri, Edi Rama dhe ministrja e Shëndetësisë, Ogerta Manastirliu pas kërkesave të këtij sektori për nisjes sa më shpejt të procesit deklaruan se turizmi këtë vit duhet shpëtuar dhe se pritet që këtë verë të hiqen edhe kufizimet e vendosura.

Këtë fundjavë, Shqipërisë do t’i vijnë edhe 90 mijë e 800 vaksina AstraZeneca. Synimi i kryeministrit është që Shqipëria të vijojë të qëndrojë në vendet e para të klasifikimit europian për shpejtësinë e vaksinimit duke vendosur si objektiv tejkalimin e 500 mijë të vaksinuarve brenda Majit.