Vajza e grabitësit të Rinasit padit Policinë: Më vratë babain…

Familjarët e Admir Muratajt kanë ngritur kallëzim penal ndaj efektivëve të Forcave të Ndërhyrjes së Shpejtë, duke kërkuar hetim për vrasjen e të afërmit të tyre.


Avokati Arbër Hoxhaj, në emër të vajzës së Admir Muratajt ka depozituar paraditen e së enjtes kallëzim penal ndaj Forcave të Ndërhyrjes së Shpejtë.

Familjarët e Muratajt kërkojnë hetim të thelluar mbi rrethanat ku mbeti i vrarë një prej grabitësve të Rinasit.

Nga të dhënat e para që policia dha për këtë ngjarje, u raportua se pati shkëmbim zjarri mes grabitësve dhe forcave të policisë, e si pasojë mbeti i vrarë Admir Murataj.

“Prokuroria e Krimeve të Rënda të hetojë nëse policia ishte në tejkalim të detyrës kur u vra Murataj. Por edhe kush e vrau”, ka deklaruar avokati Arbër Hoxhaj.