Kosova e ka nisur me humbje kampanjën për kualifikueset e Botërorit 2022 që mbahet në Katar.

Edhe pse ndeshjen e parë e luajti si vendas në “Fadil Vokrri”, përfaqësuesja jonë pësoi humbje të thellë nga Suedia e Zlatan Ibrahimoviqit me rezultat 0-3.

Suedezët i shënuan dy gola në pjesën e parë përmes Viktor Claesson në minutën e 12-të, pas një asistimi nga Ibrahimoviq, ndërsa i dyti u shënua nga Alexander Isak, në të 35-n, shkruan Reporteri.net.

Ndërsa në pjesën e dytë për mysfairët për 0-3 dhe rezultatin final të ndeshjes realizoi kapiteni Sebastian Larsson, në minutën e 70-të të ndeshjes nga penaltia.

Pas kësaj ndeshje, më 31 mars Kosova e ka edhe një përballje të vështirë pasi luan me Spanjën.

Pas kësaj fitoreje, Suedia zë vendin e parë me 6 pikë në Grupin B, e ndjekur nga Spanja që renditet e dyta me 4 pikë, Greqia e treta me 1 pikë, kurse Kosova dhe Gjeorgjia nuk kanë pike. /Reporteri.net/.