Pasi fitoi medaljen e artë olimpike, Distria Krasniqi do ti rikthehet tatamit, përkatësisht do të marrë pjesë në Grand Slam-in e xhudos që zhvillohet në kryeqytetin e Azerbejxhanit,Baku.

Xhudistja kosovare duelin e parë në kategorinë -52 kg, do ta zhvilloj me xhudisten nga Japonia, Nanako Tsubone ndërsa në raundin e dytë e pret hungarezja, Reka Pupp.

Ky do të jetë një rikthim i Krasniqit në këtë kategori pasi më parë ka garuar në -48 kg.

Distria Krasniqi përballjen e parë do ta ketë të premtën nga ora 9:00 me kohën tonë lokale .