Mërgim Vojvoda është vendosur në formacionin më të mirë të ndeshjeve të fazës kualifikuese për Euro 2020

Kosova e mposhti Çekinë në Fadil Vokrri me rezultat 2-1, ndërsa golin e fitores për Dardanët e shënoi pikërisht Vojvoda, shkruan Reporteri.net

Drenicaku edhe dje nuk i la asgjë rastit dhe dha një deklaratë interesante pas ndeshjes.

“I hini përmasë Çekisë. Jam shumë i lumtur unë dhe skuadra, është histori të fitosh ndaj Çekisë,” ka thënë Vojvoda.

Ndërsa, sot France Football ka shpallur formacionin më të mirë ku aty është i përfshirë edhe Mërgim Vojvoda, i cili është në mesin e yjeve si Varane, Ramos, De Jong e Harry Kane.

Ndryshe, Kosova të martën luan me Anglinë në Southampton në ndeshjen e vlefshme për Grupin A të kualifikueseve për Euro 2020. /Reporteri.net/