Që nga humbja nga skuadra gjermane e Frankfurtit, skuadra e Barcelonës nuk po di të “këndellet”, shkruan Reporteri.net. 

Mbrëmë skuadra e Barçës është mposhtur në Camp Nou me rezultat minimal 0-1 nga Rayo Vallecano.

Ndërkaq, përveç këtyre dy skuadrave, skuadrës katalune humbje  në shtëpi i shkaktoi edhe Cadiz CF, me rezultat përfundimtar 0-1.

Aktualisht skuadra e Barcelonës është larg asaj të Real Madridit për 15 pikë në rënditjen tabelare të La Ligës.

E, për këtë, në vitin 2018  mbrojtësi i krahut të Barçës, Jordi Alba kishte thënë se nëse do të ndodhte një gjë e tillë në Barcelonë do i vrisnin ata.

“Nëse Real Madridi do të jetë 15 pikë para nesh në renditje tabelare, në Barcelonë do të na vrisnin”

Vlen të përmendet se nga ardhja e Xavit si trajner i Barçës, ata ishin larg prej 12 pikëve nga Real Madrid.

Ndeshjen e ardhshme katalunasit do ta presin skuadrën e Mallorca, e cila do të luhet me 1 maj, nga ora 21:00.