Futbollisti i Përfaqësueses së Kosovës, Arbër Zeneli ka filluar me fazën e rikuperimit pas operacionit që e kreu në gju.

Zeneli u lëndua në ndeshjen kundër Malit të Zi, duke i këputur ligamentet e gjurit, ndërsa pak javë pas lëndimit ai kreu një operacion të suksesshëm, shkruan Reporteri.net

Ai ka filluar tanimë me fazën e rikuperimit ndërsa siç shihet së fundmi në një video, ai po i demolon pajisjet e fitnesit.

Madje ai mund të kthehet edhe më herët sesa që është paraparë të kthehet.

Sipas mendimeve të para të mjekëve, ai pritej të mungonte nga 6 deri në 9 muaj për shkak të lëndimit.

Por, nga ajo se çfarë shihet nga videot që po qarkullojnë në internet, Arbëri pritet të kthehet shumë më shpejtë.

Ai pritet të jetë një shtyllë e fortë për Bernard Challandes në momentin që rikthehet nga lëndimi, ashtu siç ka qenë pak para se të lëndohej./Reporteri.net/