Argjentina është zyrtarisht kombëtarja e parë që prek finalen e Kupës së Botës 2022.

Argjentinasit ia dolën që ta diskualifikojnë Kroacinë, me rezultat të thelluar 3:0, shkruan Gazeta Online Reporteri.net.

Argjentina kaloi në epërsi qysh në pjesën e parë të ndeshjes. Messi, me një gol nga “pika e bardhë”, ia doli të shënojë në minutën e 34’të të ndeshjes.

Nuk vonoi shumë dhe argjentinasit dyfishuan epërsinë.

5 minuta pas golit të fundit, ishte Julian Alvarez që shnëoi për rezultatin 2:0. Kështu edhe përfundoi pjesa e parë e lojës.

Pjesën e dytë, kroatët e filluan me presion të shtuar. Patën disa mundësi por jo mirë të shfrytëzuara.

Nuk vonoi shumë, Alvarez befasoi edhe njëherë.

Me asistim të golashënuesit të parë në ndeshje, Messi-t, Julian Alvarez shënoi në minutën e 69-të për rezultatin 3:0.

Për sulmuesin e Manchester Cityt është ky goli i tij i dytë personal sonte.

Anipse kroatët luftuan deri në fund, nuk ia dolën ta shënonin asnjë gol në portën e kundërshtarit, duke u eliminuar si top katër kombëtaret më të mira të këtij Botërori.

Në finale, Argjentina pret fituesin e ndeshjes Maroku-Franca, ndeshje kjo që zhvillohet nesër. /Reporteri.net/.