Argjentina është kampione e botës. Messi ka realizuar ëndrrën dhe ka fituar titullin që i mungonte.

Kjo finale ishte një dramë e vërtetë që do të mbahet mend gjatë.

Messi dhe shokët e tij ishin në epërsi prej dy golash deri minutën e 80-të, ku kishin shënuar përmes Messit nga penaltia dhe më pas Di Marias.

Kur kishin mbetur edhe 10 minuta lojë, në skenë u shfaq ylli francez Mbappe që për 97 sekonda shënoi dy gola dhe barazoi rezultatin.

Ndeshja shkoi në vazhdime, ku më pas Argjentina sërish kaloi në avantazh 3-2 përmes golit të Messit, por pak para përfundimit francezët siguruan një penalti që në gol e shndërroi Mbappe.

Ndërsa nga pika e bardhë argjentinasit ishin të pagabueshëm, kurse dy futbollistë francezë humbën penalltitë dhe titullin e fitoi kombëtarja e Messit.

Përveç lojës dramatike kjo finale do të mbahet mend edhe për garën e golave mes Messit e Mbappes. Ky i fundit në këtë aspekt doli fitues, pasi shënoi plot 4 gola, kurse Messi 3.

Kampionati këtë vit është mbajtur në Katar.

Lojtarët e Francës që shënuan penalltitë dhe ata që dështuan:

Kylian Mbappe i saktë

Aurelie Tchouameni i pasaktë

Kingsley Coman i pasaktë

Randal Kolo Muani i saktë

Lojtarët e Argjentinës që shënuan penalltitë:

Montiel i saktë

Leonardo Paredes i saktë

Paulo Dybala i saktë

Lionel Messi i saktë

/Reporteri.net/.