Ka përfunduar takimi ndërmjet Ballkanit të Suharekës dhe Prishtinës, përcjell Reporteri.net.

Skuadra nga Suhareka ka triumfuar ndaj kampiones në fuqi, me rezultat përfundimtar 2-0

Skuadrën nga Suhareka në epërsi e çoi Baftiu, i cili shënoi në minutën e 34-të të takimit

Por, katër minuta më vonë skuadra vendase e dyfishoi epërsinë ndaj kampionit akutal në Superligë.

Ishte pikërisht Ermal Krasniqi i cili shënoi në minutën e 38-të të takimit, pasi herën e parë dështoi nga 11 metërshi.

Vlen të theksohet që Ballkani goditi 2 herë shtyllën e mysafirëveve, fillimisht me Gripshin në pjesën e parë, i cili gjuajti fuqishëm nga distanca, kurse Korenica në pjesën e dytë në minutën e 85’të të takimit, kur goditjen e tij e devijoi në transversale portieri i Prishtinës, Haxho.

Kështu Ballkani me këtë fitore forcon edhe më tej pozitën e parë në tabelën e Superligës, ku pasohet nga skuadra e Gjilanit në vendin e dytë.