Ka përfunduar ndeshja mes Ballkanit dhe Sivassporit, me rezultat përfundimtar 2:1 në favor të skuadrës turke, shkruan Gazeta Online Reporteri.net.

Ndeshjen e filluan mirë skuadra e Ballkanit, pasi ishin të parët që kaluan në epërsi me golin e Armend Thaqit, në minutën e 36’të.

Kështu përfundoi pjesa e parë e lojës.

Ndërkaq, në pjesën e dytë, Sivasspori barazoi rezulatin. Golin e barazimin e shënoi Arslan, në minutën e 72’të të ndeshjes.

Mirëpo, skuadra turke nuk u ndal me kaq, pasi drejt fundit të lojës, në minutën 81 kaloi në epërsi, me golin e Angielskit, duke përmbyllur kështu ndeshjen me rezultat 2:1 në favor të Sivassporit.

Ballkani krijuan disa raste të tjera shënimi, por nuk arritën të bëjnë asgjë.

Më këtë humbje, Ballkani ka katër pikë në vendin e fundit dhe Sivasspor ngjitet në vendin e parë më shtatë sosh.

Kujtojmë se kampioni i Kosovës deri më tash ka regjistruar një fitore, një barazim dhe një humbje në tri sfidat e para, ashtu që qëndron në kuotën e katër pikëve, aq sa ka edhe ekipi kundërshtar. /Reporteri.net/.