Pasi mori përgjigjen pozitive nga UEFA për të drejtën e një blerje jashtë afatit, Barcelona është aktivizuar seriozisht për ta bërë këtë gjë.

Skuadra katalonase ka në tavolinë disa emra të sulmuesve dhe në 24 orët e ardhshme gjithçka do të definohet. Martin Braithwaite është emri i fundit dhe më seriozi për tu bërë pjesë e Barcelonës, shkruan Indeksonline.

Danezi i natyralizuar luan me Leganes në Spanjë, ndërsa këtë edicion ka shënuar 6 gola deri më tani. 28 vjeçari shquhet për shpejtësinë që ka dhe forcën e madhe fizike.

Agjenti i lojtarit, Ali Dursun është në Barcelonë dhe gjatë ditës do të ulet për të diskutuar marrëveshjen me drejtuesit e Barcelonës. Çmimi i futbollistit vlerësohet 20 milionë euro.

https://www.youtube.com/watch?v=Txdh8jm0Vgo