Në opsion të “Nerazzurri” janë edhe mesfushorët Arturo Vidal e Nemanja Matic.

Interi po planifikon të përforcohet në afatin kalimtar të janarit.

“Nerazzurri” ia kanë vënë syrin mesfushorit të Barcelonës, Ivan Rakitic.

Sipas mediumit “El Desmarque”, klubi italian është i gatshëm t’i paguajë 38 milionë euro për mesfushorin kroat.

Ish-futbollisti i Sevillës këtë sezon ka përfunduar në bankinë dhe Barça po planifikon ta shesë atë në afatin kalimtar të janarit.

Interesim për Rakiticin ka shfaqur edhe Paris Saint-Germaini.

Ai i ka zhvilluar gjashtë ndeshje këtë sezon në La Liga. Ndërkohë, në alternativë Interi i ka mesfushorin tjetër të Barçës, Arturo Vidal dhe atë të Manchester Unitedit, Nemanja Matic.