Skuadra e Llapit ka arritur të marrë një fitore shumë të rëndësishme sot në Zahir Pajaziti, përcjell Reporteri.net.

Llapi e ka mposhtur skuadrën e Dritës me rezultat minimal 1-0, teksa për skuadrën llapjane ngjallen shpresat për një hyrje të Llapit brenda top treshes së Superligës.

E, javën e kaluar skuadra nga Podujeva mposhti Prishtinën dhe siguroi kalimin për në finalen e madhe, e tekniku i llapjanëve, Tahir Batatina e kishte krahasuar kundërshtarin dhe lojën të lehtë si një supë pule,

Një deklaratë të tillë ka dalur edhe sot Batatina, teksa shtoi se supa e peshkut qenka më e lehtë.

“Kam menduar se supa e pulës është e lehtë, por e peshkut qenka edhe më e lehtë”, tha Batatina.

Ndër të tjera, Batatina shtoi se skuadra e tij e synon pozitën e dytë në tabelë.

“Llapi e dëshiron pozitën e dytë. Nuk kënaqemi pa qenë kampion, nënkampion ose pa e fituar Kupën”, shtoi Batatina

Llapi do të përballet me Dritën edhe në finale të Kupës së Kosovës.